शंकर पाैडेल
अड्गुरी, अर्घाखाँची (अर्घाखाँचीडट्कम) । अर्घाखाँची जिल्लाको पाणिनी गाउँपालिका वार्ड नम्बर ७ अड्गुरीको सिकेडाँडामा नेकपा एमालेका १३ जना मध्ये ९ जना कार्यकर्ताहरुले पार्टी परित्याग गरि नेपाली कांग्रेसमा प्रवेश नगरेको बताएका छन् ।
अड्गुरीको सिकेडाँडामा बुधवार एमालेका १३ जना मध्ये ९ जना कार्यकर्ताहरुले पार्टी परित्याग गरि नेपाली कांग्रेसमा प्रवेश नगरेको बताएका हुन् । तर पार्टी प्रवेश गरेकाहरुलाई गाउँपालिका अध्यक्ष अच्युत गौतमले अविर लगाई स्वागत गरेको बताइएको थियो ।
१३ जना ९ जना मध्येका ९ जनाको हस्ताक्षर सहित निकालिएको विज्ञप्तीमा भनिएको छ “हामी एमालेमै छौँ ,हाम्रो सहमति बिना तथा किर्ते हस्ताक्षर समेत गरेर कांग्रेसमा प्रवेश गरेको भनि आएको समाचारप्रति हाम्रो गम्भिर ध्यानाकर्षण भएको छ ।
साथै हामी नेकपा एमालेका सक्रिय कार्यकर्ता रहेको र कुनै पार्टी प्रवेश नगरेकोले भ्रममा नपर्न आग्रह गर्दछौँ । “
तर डट्कमले तस्बिर सहित कांग्रेसमा प्रवेश गरेको समाचार प्रकासित गरेको थियो ।
श्रावण १४ गते, २०७८ मा प्रकाशित
