अर्घाखाँचीडट्कम संवाददाता
वाणगंगा, कपिलवस्तु (अर्घाखाँचीडट्कम) । अर्घाखाँची जिल्लाको भुमिकास्थान नगरपालिका वार्ड ३ धारापानीका एक युवा वाणगंगाको कजवेमा आएको बाढीले बगाएर बेपत्ता भएका छन् ।
धारापानीका ४५ वर्षिय पशुपति पाैडेल कपिलवस्तुको वाणगंगा नगरपालिका वार्ड नम्बर ९ को कपिलधाम र चौवा जोड्ने कजवेमा आएको बाढीले आएको बाढीले बगाएर बेपत्ता भएका हुन् ।
अर्घाखाँचीबाट उपचारका लागि बुटवल हिडेका उनी कपिलवस्तु वाणगंगा आउनेक्रममा बिहिबार दिउसो कजवेमा आएको बाढीले बगाएको थियो । उनले खाेला किनरामा पानी चेक गर्न जाँदा एक्कासी खोलाले बगाएको थियो ।
राती अबेरसम्म पनि उनलाई फेला पर्न नसकेको उद्धारका लागि गएको इलाका प्रहरी कार्यालय पिपराको टोलीले बताइएको छ ।
श्रावण २८ गते, २०७८ मा प्रकाशित
