अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लामा नेपाली कांग्रेसको १४ औं महाधिवेशनमा सभापति पदका लागि होडवाजी चलेको छ ।
जिल्ला सभापति पदका लागि बिष्णु खनाल (मुस्कान) बाहेक लेखनाथ पाेख्रेल, यादव घिमिरे, छबिलाल पाैडेल, शान्ता भण्डारी, ईन्द्रमणि पाैडेल, बाबुराम पाैडेलले चुनाव लड्ने घोषणा गर्दैछन् ।
उता नेपाली कांग्रेसको आगामी चौंधौं महाधिवेशनमा पार्टीको जिल्ला सभापतिका लागि केशब श्रेष्ठले उम्मेदवार बन्ने घोषणा गरेका छन् ।
आगामी चौंधौं महाधिवेशनमा कांग्रेस अर्घाखाँचीको जिल्ला सभापति पदका लागि केशब श्रेष्ठले मंगलवार उम्मेदवार बन्ने घोषणा गरेका हुन् ।
उता बुधवार कांग्रेस अर्घाखाँचीका पार्टी सभापति बिष्णु प्रसाद खनाल “मुस्कान” संग पार्टीको १४ औं महाधिवेशन र राजनैतिक बिषयमा छलफल कार्यक्रम भएको छ ।
कार्यक्रममा नेपाली काङ्ग्रेस लुम्बिनी प्रदेश संसदीय दलका सचेतक निर्मला क्षेत्री, नेपाली काङ्ग्रेस अर्घाखाँचीका सचिब छबिलाल पौडेल, काेषाध्यक्ष कृष्ण बहादुर ज्ञवाली, सदस्य द्वय माधव पौडेल, माधव भुसाल लगायत गाउँ तथा नगर सम्पर्क समितिका अध्यक्ष, संयोजक, पदाधिकारी, सदस्य, भातृ संगठन लगायत विभिन्न ब्यक्तित्वहरुको उपस्थित रहेको थियो ।
फोटो, विवरण: हलिम खान
भाद्र ९ गते, २०७८ मा प्रकाशित
