खाँचीकोटको फुदवाङ – गच्छेखोला सडक अन्तरगत कज्वेमा मर्मत कार्य सम्पन्न (भिडियो, फोटो फिचर)

गच्छेखोला, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्क नगरपालिका वार्ड नम्बर ७ खाँचीकोटको फुदवाङ सडक खण्डको गच्छेखोलामा रहेको कज्वेमा बाटो मर्मत कार्य सम्पन्न भएको छ ।

सवारी साधन तथा पैदल यात्रीका लागि बाटो जोखिमयुक्त भएकाले खाँचीकोटको फुदवाङ सडक खण्डको गच्छेखोलामा रहेको कज्वेमा स्थानिय र जिल्ला ट्राफिक कार्यालय अर्घाखाँचीको पहलमा माटो राखि खाडल्हरु पुरिएको हो ।

फुदबाङबाट सन्धिखर्क जाने बैकल्पिक सडकको रुपमा रहेको यो सडक खण्डमा आपतकालिन सवारीहरु आवागमनमा असहज परिस्थिति उत्पन्न हुन नदिन सडक सुधार गरिएको हो। राजमार्ग अबरोध हुँदा उक्त सडकबाट दिनहु निजी सवारी साधन, ट्याक्सी,र एम्बुलेन्सहरु आवागमन गर्ने गर्दछन् ।

साथै उक्त अबसरमा पैदल यात्रा गरिरहेका स्थानीयहरुलाई कोरोना महामारीबाट बच्न सचेतना जिल्ला ट्राफिक प्रहरिका सई प्रविन आचार्यले  मास्क बितरण गरेका थिए ।