अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्क नगरपालिका वार्ड नम्बर २ संखेटारीमा ५७ औं बालदिवसको अवसरमा बाल प्रतिभा प्रस्तुति र पुरस्कार तथा प्रमाणपत्र वितरण कार्यक्रम सम्पन्न भएको छ ।
सामाजिक अभियान्ता विजुला रायमाझीको प्रायोजनमा मंगलवार सन्धिखर्कमा ५७ औं बालदिवसको अवसरमा बाल प्रतिभा प्रस्तुति र १५ जना बालबालिकालाई पुरस्कार तथा प्रमाणपत्र वितरण कार्यक्रम सम्पन्न भएको हो ।
कार्यक्रम सहायक प्रमुख जिल्ला अधिकारी विनोद खनालको प्रमुख आतिथ्यता, ज्ञान बहादुर क्षत्रीको अध्यक्षता तथा आयोजक विजुला रायमाझीको संचालनमा सम्पन्न भएको थियो । यस्तै कार्यक्रममा कुल बहादुर नेपाली प्रतिश्ठानका पदाधिकारी लगायतको उपस्थिति रहेको थियो ।
साथै वादी समुदायका बालबालिकाको प्रतिभा विकास गर्ने उदेश्यले सृजशील बाल क्लव गठन र निशुल्क पुस्तकालय परिचापत्र वितरण समेत गरिएको छ ।
भाद्र २९ गते, २०७८ मा प्रकाशित
