अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्क नगरपालिकाभर बन्द गरिएका विद्यालयहरूमा भौतिक उपस्थिति गराई पठनपाठन शुरु हुने भएको छ ।
भगवती मा.वि.कुर शंखेटारी
सन्धिखर्क नगरपालिकामा कोभिड–१९ को दोस्रो लहर फैलिएसँगै बन्द गरिएका धेरै जसो विद्यालयहरूमा शुक्रबारदेखि भौतिक उपस्थिति गराई पठनपाठन शुरु गरिने भएको हो ।
यहाँका सबै विद्यालयहरूमा सुरक्षाका सबै मापदण्ड पालना गरी एक बेन्चमा २ जना राखेर पठनपाठन शुरु गरिएको छ ।
पाँच महिनापछि विद्यालयहरू जाँदा विधार्थीहरु उत्साहित देखिएका थिए । साथै विधार्थीहरुलाई दिदै आएको दिवाभोजलाई पनि निरन्तरता दिएको छ ।
उता यसअघि जिल्लाका अन्य सबै स्थानिय तहका विद्यालयहरू खुलेका छन् ।
जिल्लाका सबै पालिकाका शिक्षा, युवा तथा खेलकुद शाखाले पनि स्वास्थ्य मापदण्ड पालना गरेर विद्यालय सञ्चालन गरेको बताएका छन् ।
जिल्लामा दोस्रो पटक गत वैशाख २१ गते मंगलवारदेखि निषेधाज्ञा जारी गरिएको थियो ।
भाद्र ३० गते, २०७८ मा प्रकाशित
