अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्क स्थित श्री भगवती माध्यमिक विद्यालय कुर शंखेटारीमा स्थापना गरिएको बुद्धि रायमाझी छात्रवृत्ति अक्षयकोषबाट जेहेन्दार विद्यार्थीलाई प्रमाणपत्र तथा नगद पुरस्कारले सम्मान गरिएको छ ।
श्री भगवती माध्यमिक विद्यालय कुर शंखेटारीमा स्थापना गरिएको बुद्धि रायमाझी छात्रवृत्ति अक्षयकोषबाट शुक्रबार शैक्षिकसत्र २०७७ को कक्षा ५ मा राम्रो नतिजा प्राप्त गरेका ५ विद्यार्थीलाई प्रमाणपत्र तथा नगद पुरस्कारले सम्मान गरिएको हो ।
अक्षयकोषदाता स्व. बुद्धि रायमाझीकी जीवन सङ्गिनी विजुला रायमाझी, वडाध्यक्ष मोतिजङ्ग रायमाझी, विद्यालय व्यवस्थापन समिति अध्यक्ष मुकुन्दराज आचार्यको उपस्थितिमा भगवती मावीको छात्रवृत्ति वितरण कार्यक्रम सम्पन्न भएको थियो ।
प्रत्येक वर्ष छात्रवृत्तिको लागि उहाँको परिवारले ५४ हजार रुपैया राष्ट्रिय बाणिज्य बैंकमा कोष स्थापना गरेको छ । यस्तै समाजका प्रतिभावान बालबालिकालाई प्रोत्साहित गर्ने मुख्य उद्देश्य बुद्धि रायमाझी छात्रवृत्ति अक्षयकोषको रहेको छ ।
आश्विन १५ गते, २०७८ मा प्रकाशित
