हरि कुँवर
काठमाडौं (अर्घाखाँचीडट्कम) । नेकपा (एमाले) अर्घाखाँची – काठमाण्डौ सम्पर्क मञ्चको आयोजनामा दशै तिहार शुभकामना आदानप्रदान कार्यक्रम सम्पन्न भएको छ।
एमाले अर्घाखाँची – काठमाण्डौ सम्पर्क मञ्चको आयोजनामा महान चाडपर्व बडा दशै, तिहार, छठ, ईद पर्वको उपलक्ष्यमा शुभकामना आदानप्रदान कार्यक्रम सोमबार सम्पन्न भएको हो ।
नेपालीहरुको महान चाडपर्व बडा दशै, तिहार, छठ, ईद पर्वको उपलक्ष्यमा काठमाडौंको हार्दिक होटल बागबजारमा शुभकामना आदानप्रदान र जिल्ला तथा केन्द्रका नेतागणसंग भेटघाट कार्यक्रमलाई सम्बोधन गर्दै स्थायी कमिटी सदस्य टोपबहादुर रायमाझीले एमाले अनुशाशीत पार्टी भएकोले कार्यकर्तालाई जनता र पार्टी प्रति सधै बफादार हुन आग्रह गरे। अव देशमा बैचारीक स्पष्टता र संगठनात्मक रूपमा क्रियाशिल पार्टी एमाले नै भएकोले समाजबादको बाटोमा अघि बढ्न बिधान महाधिवेशनले समेत स्पष्ट दिशा निर्देश गरेकोले समृद्ध नेपाल सुखी नेपालीको अभियानमा थप क्रियाशिल हुन आवश्यक रहेको नेता रायमाझीले बताए ।
केन्द्रीय सदस्य बोमबहादुर बि.क., सल्लाहाकार परिषद सदस्य लक्ष्मण रायमाझी, प्रदेश सांसद रामजी घिमिरे, जिल्ला कमिटी उपाध्यक्ष जिवनारायण कोईराला, सचिव बिधान रायमाझी, उपसचिव प्रेमनारायण गैरे सम्पर्क समन्वय कमिटी अन्तर्गतका नेताहरूको उपस्थितमा सम्पन्न भएको थियो ।
कार्यक्रमको अध्यक्षता सयोजक बिशाल मिश्र सञ्चालन रिषिराम भुसाल र स्वागत मन्तब्य गिरिष पन्थीले गरेका हुन ।
आश्विन १८ गते, २०७८ मा प्रकाशित
