सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्कमा काङ्ग्रेस सन्धिखर्क नगर समितिले आयोजना गरेको दशैं बिशेश शुभकामनाआदानप्रदान कार्यक्रम सम्पन्न भएको छ ।
कार्यक्रममा बोल्दै काङ्ग्रेस कार्यकर्ताहरुले आगामी महाधिवेशनमा अर्घाखाँची नेतृत्व सर्वसहमत बनाउन जोड दिएका छन । नजिकिँदै गरेको जिल्ला अधिवेशनको समयमा गरिएको उक्त कार्यक्रमा विभिन्न पदका आकांक्षी अधिकाशं नेताहरु आफ्नो उम्मेद्बारी घोषणा र मत माग्नमा तल्लिन देखिन्थे ।
बर्तमान काङ्ग्रेस जिल्ला सभापती बिश्नु मुस्कान सहित जिल्ला सभापतिका दावेदार इन्द्रमणी पौडेल , यादब घिमिरे र केशब श्रेष्ठले आआफ्नो किसिमको तर्क र एजेन्डा प्रस्तुत गर्दै आफुहरु काङ्ग्रेस अर्घाखाँचीको नेतृत्व गर्न तयार र सक्षम रहेको दावी गरेका थिए ।
उता अरु नेता कार्यकर्ताहरु पनि एकातर्फ सहमतिमा जोड दिदै आफुहरु पनि विभिन्न पदका आकांक्षी भएको भन्दै मत मागेका थिए ।
कार्यक्रममा काङ्ग्रेसका आमन्त्रित केन्द्रिय सदस्य बालकृष्ण पान्डे , काङ्ग्रेस अर्घाखाँचीका पुर्व सभापती पिताम्बर भुसाल , कमल प्रसाद भुसाल लगायत नेताहरुको उपस्थिति थियो भने जिल्ला समन्वय समितिको सभाहलमा कार्यक्रम सम्पन्न भएको हो ।
आश्विन २३ गते, २०७८ मा प्रकाशित
