पाणिनीमा सम्पन्न अन्तर वडास्तरिय खुला भलिवल खेलमा उपाधी पणेनालाई, धारापानी दोस्रो (भिडियो, तस्बिर सहित)

दुर्गाफाँट, अर्घाखाँची (अर्घाखाँचीडट्कम) । अर्घाखाँची जिल्लाको दुर्गाफाँटमा राष्ट्रिय युवास संघ नेपाल पाणिनी गाँउपालिका कमिटी अर्घाखाँचीको आयोजनामा  संचालित भलिवल प्रतियोगिताको उपाधि पाणिनी गाँउपालिका वार्ड न. १ पणेनाले हात पारेको छ ।

आज बुधवार भएको प्रतिस्प्रधात्मक खेलमा भुमिकास्थान ४ धारापानिलाई ४-३ को सेटमा पराजित गर्दै उपाधि उचालेको हो । उत्कृष्ट प्रदर्शन गरेको धारापानिले भने दोस्रो स्थानमा चित्त बुझाएको छ ।

प्रथम भएको पणेनाले नगद ३० हजार सहित कप, मेडल र प्रमाणपत्र हात पार्दा भुमिकास्थानले नगद २० हजार सहित कप, मेडल र प्रमाणपत्र प्राप्त गरेको छ ।

आजै भएको अर्को खेलमा पाणिनि २ पोखराथोकले पाणिनि ३ खिदिमलाई ३-० को सोझो सेटमा पराजित गर्दै तेस्रो स्थान हात पारे नगद १० हजार कप, मेडल र प्रमाणपत्र प्राप्त गरेको छ । भने चौथो बनेको खिदिमले भने ५ हजारमा चित्त बुझाएको छ ।