काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ले केपी शर्मा ओली प्रधानमन्त्री हुँदा बालुवाटारस्थित निवासलाई दरबारजस्तो बनाइएको बताउनुभएको छ ।
चितवनमा आयोजित एक कार्यक्रममा बोल्दै अध्यक्ष दाहालले ओलीले थाइल्याण्ड, इटलीलगायत देशबाट अरबौंको सामान ल्याएर प्रयोग गरेको बताउनुभयो ।
‘थाइल्याण्ड, इटाली, रोमबाट यति महंगा–महंगा सामान ल्याएर त्यहाँ थुपारेको रहेछ, त्यो देख्दा अरु त अरु शेरबहादुर देउवाले जिब्रो टोक्नु भाछ रे,’ प्रचण्डले थपे, ‘नुहाउनका लागि ल्याएको अरबौं, करोडौंको छ ।’
विदेशबाट महंगा सामान ल्याएर प्रयोग गरिएकोबारे विस्तारै सार्वजनिक हुँदै जाने पनि बताउनुभयो ।
उहाँले भन्नुभयो, ‘अरबौंको सामान विदेशबाट ल्याउने प्रधानमन्त्री । म जिन्दगीभर प्रधानमन्त्री हुन्छु भन्ने देख्ने प्रधानमन्त्रीलाई नेपाली जनताले चिन्नपर्यो र आउने चुनावमा के सजायँ दिनुपर्ने हो जनतालाई नै फैसला गर्न दिनुपर्यो । यो कुरा अझ विस्तारै आउँदैछ के–के सामान भन्ने कुरा ।’ इमेज च्यानलमा समाचार छ ।
कार्तिक १२ गते, २०७८ मा प्रकाशित
