श्रीधर ठाकुरी | अर्घाखाँचीडट्कम संवाददाता
पाली, अर्घाखाँची (अर्घाखाँचीडट्कम) । अर्घाखाँची जिल्लाको पाणिनी गाउँपालिका वार्ड नम्बर ५ मैदान र ८ पालीको सिमानामा रहेको सिस्ने खोलाको पुलमा गएको पहिरोका कारण आवत जावत पूर्ण रुपमा बन्द भएको छ ।
अविरल वर्षाको कारण मैदान र पालीको सिमानामा रहेको सिस्ने खोलाको पुलमा गएको पहिरोका कारण आवत जावत पूर्ण रुपमा बन्द भएको हो ।
पहिरो गएको ठाउँ घुम्ती पाल्पा बाटोको बाशारुख भन्ने बजार नजिक दुर्गाफाँटमा पर्छ । पाणिनि गाउँपालिका देखि २ किमी पश्चिम् सिस्ने खोलाको पुल नीर पर्छ । अहिलेसम्म पहिरो फाल्ने काम नहुँदा सवारीसाधन तथा मानिसहरु आवत जावत गर्न पाएका छैनन् ।
यस्तै पाणिनी गाउँपालिकाका कयौ ठाउँहरुका सडक पहिरोका कारण अहिलेसम्मा सुचारु हुन सकेका छैनन् ।
कार्तिक १६ गते, २०७८ मा प्रकाशित
