अर्घाखाँचीमा पाँचौ बृहत् काग सम्मेलन सम्पन्न (भिडियो सहित)

सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्कमा हिन्दुहरूको दोस्रो महान चाड शुभ दीपावली (तिहार) २०७८  कार्तिक १७ को पहिलो दिन काग तिहार एवं कुकुर तिहारको अवसर पारेर हास्य कलाकार भुवनेश्वर अधिकारिले बृहत्  काग सम्मेलन गरेका छन् ।

विभिन्न पशुपंक्षि बाजागाजा जिवजनावरको  हुबहु आवाज निकाल्ने प्रतिभा भएका, जिल्ला युवा प्रतिभा पुरस्कारबाट समेत सम्मानित भएका भुवनेश्वर अधिकारीले सन्धिखर्कमा रहेको रेडियो देउराली १०१ मेगाहर्जको अन एयरबाटै काग सम्मेलन गरेका  हुन् ।

अधिकारीले रेडियोको अनएयरबाट प्रत्यक्षप्रसारण मार्फत कागको आवाज निकाली कराउँदा  विभिन्न रेडियोको स्टुडियोबाट  आवाज सुनेर कागहरु वरिपरि उड्दै एकत्रित भएका थिए भने सन्धिखर्कको आकाश कागहरुले भरिएको थियो ।