डिआरजी सुमन
दुर्गाफाँट, अर्घाखाँची (अर्घाखाँचीडट्कम) । अर्घाखाँची जिल्लाको पाणिनी गाँउपालिका अर्घाखाँचीमा स्थापित पाणिनि स्पोटर्स एकेडमीले आयोजना गरेको प्रथम पाणिनी स्पोटर्स एकेडमी कप पालिका स्तरीय खुल्ला पुरुष भलिवल खेल तथा पाणिनी स्तरीय खुल्ला महिला भलिवल खेल प्रतियोगिता २०७८ पाणिनि गाँउपालिकाको केन्द्र दुर्गाफाँटमा वाजागाजाका साथ उद्घाटन भएको छ ।
पाणिनी गाँउपालिकामा संचालित त्रिदिवसीय भलिवल खेल प्रतियोगिताको आज पहिलो दिन नेपाल प्रहरी अर्घाखाँची र शितगंगा नगरपालिका अर्घाखाँची विचको खेल ०-२ को सोझो सेटमा शितगंगाले हात पारेको छ ।
पाणिनी गाँउपालिका अध्यक्ष अच्युत गौतमद्वारा रिवन काटेर उद्घाटन गरेको कार्यक्रमको पहिलो दिन एकओटा मात्र खेल सम्पन्न भएको छ । प्रतियोगितामा २० टिम सम्पर्कमा आएपनि १३ टिमले दर्ता गराएका छन् ।
पाणिनी गाँउपालिका अध्यक्ष अच्युत गौतमको प्रमुख आथित्यता,पाणिनि स्पोर्ट्स एकेडमीका अध्यक्ष भरत पुनः को अध्यक्षता रहेको औपचारिक उद्घाटन समारोह कार्यक्रममा पाणिनि गाँउ पालिका स्थित जनप्रतिनिधी, समाजसेवी तथा खेल प्रेमीहरुको उपस्थिति रहेको थियो । – तस्वीर डिआरजी सुमन/अर्घाखाँची ।
कार्तिक २४ गते, २०७८ मा प्रकाशित
