अर्घाखाँचीडट्कम संवाददाता
बुटवल (अर्घाखाँचीडट्कम) । अर्घाखाँची जिल्लाको सन्धिखर्क नगरपालिका-८ किमडाँडाको पकलेका शिक्षकको रुपन्देही जिल्लाको तिलोत्तमा नगरपालिका-२ शंकरनगर जानकीनगरमा मोटरसाइकल दुर्घट्नामा परि निधन भएको छ ।
किमडाँडाको पकलेका ४८ वर्षीय बिज्ञान शिक्षक चन्द्र प्रसाद अर्यालको जानकीनगरस्थित सडकमा रोकी राखेको लु.२ त ९७९९ नम्बरको ट्क्याटरमा लु.३३ प ७६१५ नम्बरको मोटरसाइकल ठोक्किएर आइतबार साँझ ८:०० बजे दुर्घट्ना हुँदा निधन भएको हो ।
दुर्घटनामा गम्भीर घाइते भएका उनको क्रिमसन अस्पताल मणिग्राममा उपचारको क्रममा मृत्यु भएको हो । ट्याक्टर चालकलाई प्रहरीले नियन्त्रणमा लिएको छ । दुर्घटनाका सम्बन्धमा प्रहरीले आवश्यक अनुसन्धान गरिरहेको छ ।
अर्याल सिद्ध / शान्तिमा. बी. बाँगीका पुर्ब शिक्षक हुन् ।
कार्तिक २९ गते, २०७८ मा प्रकाशित
