अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्कमा शृजनशिल अपाङ्गता सरोकार केन्द्रले अपांगता भएका व्यक्तिलाई सवारी साधनमा सहुलियतको लागि यातायात व्यवसायीलाई नियमावली हस्तान्तरण तथा ध्यानाकर्षण गराएको छ ।
शृजनशिल अपाङ्गता सरोकार केन्द्रले आज जिल्ला प्रशासन कार्यलयमा सरोकारवालासँग भएको समिक्षा र बैठकपछि राज्यले अपाङ्गता भएका ब्यक्तिहरुलाई सार्बजनिक यातायातमा यात्रा गर्दा सहुलियत नपाएको भन्दै ध्यानाकर्षण गराएको हो ।
शृजनशिल अपाङ्गता सरोकार केन्द्रले सपाङ ब्यक्ति सरह अपाङ्गता भएका ब्यक्तिहरुलाई पनि मनपरी रुपमा भाडा असुल गर्ने गरेको र यात्रामा कठिनाई हुने गरेको व्यापक गुनासो र चासोको बिच
अपाङ्गता भएका व्यक्तिहरुको हक र हितका लागि २०५२/०५३ सालदेखि नै सक्रिय रुपमा कार्य- गर्दै आएको शिर्जनशिल अपाङ्गता सरोकार केन्द्रको तर्फबाट सो सस्थाका अध्यक्ष, प्रदेस सद्स्य तथा सामाजिक ब्यक्तित्व फर्सुराम पान्डेले यातायात व्यवसायीहरुका प्रतिनिधिलाई एक कार्यक्रमका बिच सस्थाको बिनियामावली र प्रशासन कार्यलय बिच भएको बैठक , समझदारी र निर्णयलाई जानकारी दिन सो कार्यक्रमको आयोजना गरेको थियो । सस्थाका अध्यक्ष पाण्डेले यातायात ब्यबसायीलाइ सो नियमावली, ध्यानाकर्षण गराउदै गम्भिर भएर सो ब्यबस्था तत्काल लागु गराउन यातायात ब्यबसायी र सो मातहतका प्रतिनिधी मार्फत सो नियावली हस्तान्तरण गरेका थिए।
उक्त कार्यक्रममा अपांग ब्यक्तिहरुलाई सार्वजनिक यातायातमा यात्रा गर्दा ५०% छूट गरि सर्ब सुलभ र सहज यात्रा गर्न सजिलो बनाउनु पर्नेमा मुख्य जोड रहेको छ।
मंसिर २१ गते, २०७८ मा प्रकाशित
