डिआरजी सुमन
मैदान, अर्घाखाँची (अर्घाखाँचीडट्कम) । अर्घाखाँची जिल्लाको पाणििनी गाँउपालिका वार्ड नं ५ मैदानको वोहखोरमा सोमवार राती आकस्मिक रुपमा आगलागी भई लु २ ख ४२७२ नम्बरको मिनीबस पुर्ण रुपमा क्षति भएको छ ।
सोमवार बुटवलदेखि मैदानको वोहखोरको लागि छुटेको बस सोही दिन साँझ ५ वजे वोहखोरमा पुगको र मंगलवार हलटेज परेको कारण पार्किङ स्थानमा रोकी राखेको बस सोमवार राती नै विद्युतीय सर्ट भई गाड़ी पुर्ण रुपमा क्षति भएको प्रत्यक्षदर्शी यातायात व्यावसायी गोपाल पौडेलले डट्कमलाई जानकारी गराउनु भएको छ ।
अवेर रातको समयमा धेरै वेरसम्म कुकुर कराइरहेको र ठुलो स्वरमा केही पड्किएको आवाज़ आएको अवस्थामा कता के भयो भनि वरीपरी हेरी सवै गाड़ी स्टाफ़ उठी बस रोकिएको स्थानमा पुग्यौ । रातको ०२:५० को समय भएको थियो हामी पार्किङ पुग्दा रोकिराखेको गाड़ी जलिरहेको अवस्थामा देखियो प्रत्यक्ष दर्शी प्रकाश पोखरेलको भनाई छ । बसधनी नेपाली कांग्रेस लुम्बिनी प्रदेश प्रतिनिधि लक्ष्मण पाण्डे हुनुहुन्छ ।
तत्काल घटनास्थलमा यातायात व्यावसायिक गोपाल पौडेल, आगलागी भई क्षतिग्रस्त मिनिवस लु २ ख ४२७२ कै चालक वस चालक नरेन्द्र गाहा, स्टाफ़ पदम रायमाझी, मिन वहादुर अर्गाली घटनास्थलमा पुंगी स्थानीयको सहारा लिएर आगो नियन्त्रण गरेको गोपाल पौडेलले जानकारी गराउनु भएको छ । स्थानीयको सहायतामा लिएर झण्डै तीन घण्टापछि आगो नियन्त्रण गरिएको घिमिरे होटलका संचालक होटल व्यावसायी घनश्याम घिमिरेले वताउनु भएको छ । – तस्वीर डिआरजी सुमन ।
मंसिर २२ गते, २०७८ मा प्रकाशित
