अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्क नगरपालिका वार्ड नं. ९ अर्घाको खाडाका एक युवाको भारतको पन्जावमा हृदयघातका कारण निधन भएको छ ।
अर्घाको खाडाका फतिराम वि.कका ३१ वर्षिय नर बहादुर बिश्वकर्माको पन्जावमा आकस्मिक हृदयघातका कारण निधन भएको हो ।
अर्घाबाट डट्कमका सहकर्मी बलराम रायमाझीले दिएको जानकारी अनुसार बिश्वकर्माको आज विहिवार बिहान निधन भएको हो । निधनको कारण स्पष्ट खुल्न सकेको छैन् ।
साथै नर बहादुरले आफ्नी श्रीमति छोरा छोरीलाई २ दिन अगाडि पन्जावबाट अर्घाखाँची आउनको लागि गाडीमा छोड्र फर्केका थिए । श्रीमति छोरा छोरी अर्घाखाँची घरमा हिजो नै आईपुगेका छन् ।
श्रीमति २ छोरा, छोरी बाहेक घरमा आमा र दाई भाउजु रहेका छन् । नर बहादुर २ वर्ष अगाडि रोजगारीका लागि गएका थिए ।
पौष १ गते, २०७८ मा प्रकाशित
