अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्कमा कर्मचारी मिलन केन्द्रको आयोजनामा रक्तदान कार्यक्रम सम्पन्न भएको छ ।
कर्मचारी मिलन केन्द्रको आयोजनामा आज शुक्रवार जिल्ला प्रशासन कार्यालय अर्घाखाँचीमा रक्तदान कार्यक्रम सम्पन्न भएको हो ।
कार्यक्रममा सहायक प्रमुख जिल्ला अधिकारी बिनोद खनाल, प्रहरी नायब उपरीक्षक अम्बर बहादुर थापा तथा कर्मचारी, सुरक्षाकर्मी, पत्रकार, जनप्रतिनिधि लगायत विभिन्न पेशा र व्यवसायमा संलग्न ६० जनाले रक्तदान गरेका थिए ।
रक्तदान कार्यक्रम रक्तसञ्चार सेवा केन्द्र बुटवल, स्वास्थ्य कार्यालय अर्घाखाँची, नेपाल रेडक्रस सोसाइटी अर्घाखाँची, जिल्ला प्रहरी कार्यालय अर्घाखाँची, छाया पोलिक्लिनिक सन्धिखर्क लगायतको सहयोगमा सम्पन्न भएको थियो । उनिहरुलाई प्रशंसापत्रले सम्मान गरिएको थियो ।
उता सहभागी रक्तदातालाई केही दिनमा प्रमाण पत्र उपलब्ध गराउने बताइएको छ ।
पौष २ गते, २०७८ मा प्रकाशित
