मैदानको रोयल होटल बोखरबाट गाँजा र मह जस्तो देखिने पदार्थ सहित ४ जना प्रकाउ

मैदान, अर्घाखाँची (अर्घाखाँचीडट्कम) । अर्घाखाँची जिल्लाको पाणिनी गाउँपालिका वार्ड नम्बर -५ मैदानको बोखरस्थित रोयल होटलबाट अवैध लागूऔषध गाँजा र मह जस्तो देखिने पदार्थ सहित ४ जना प्रकाउ परेका छन् । 

मैदानको बोखरस्थित रोयल होटलबाट शनिबार दिउँसो करिब ३ सय ५० ग्राम अवैध लागूऔषध गाँजा र करिब २ सय लिटर मह जस्तो देखिने पदार्थ सहित ४ जना प्रकाउ परेका हुन् । 

सप्तरी राजविराज सगरमाथा गाउँपालिका-२ बस्ने २२ वर्षीय अजय कुमार धामी यादव समेत ४ जनालाई प्रहरीले पक्राउ गरेको छ ।

अर्घाखाँचीडट्कमलाई दिएको जानकारी अनुसार उक्त होटलमा शंकास्पद ब्यक्तिहरु लुकिछिपी बसेको भन्ने खबर प्राप्त हुनासाथ प्रहरी चौकी पालीबाट खटिएको प्रहरीले सोधपुछ गरी कोठा तलासी गर्दा उक्त गाँजा र मह जस्तै देखिने पदार्थ फेला पारी उनीहरुलाई पक्राउ गरेको हो ।

साथै यस सम्बन्धमा आवश्यक अनुसन्धान भईरहेको प्रहरीले बताएको छ ।