अर्घा नौलापानीका हर्नेया पीडित श्यामलाललाई इजरायलबाट समाजसेवी भट्टराईको पहलमा आर्थिक सहयोग हस्तान्तरण

कमला पोख्रेल

अर्घा, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्क नगरपालिका वार्ड नम्बर ९ अर्घाको नौलापानी निवासी ४९ बषिया श्यामलाल नेपालीको उपचारका लागि संकलन भएको आर्थिक सहयोग आज उनकै घरमा पुगेर हस्तान्तरण गरिएको छ ।

इजरायलबाट समाजसेवी विष्णु भट्टराईको पहलमा संकलित १ लाख ३७ हजार ३ सय र रामलिला सामाजिक विकास केन्द्रले १३ हजार गरी आज १ लाख ५० हजार ३ सय रुपैया नेपालीकै घर नौलापानीमा पुगेर हस्तान्तरण गरिएको हो ।

पेटमा पानी जमेर हिडडुल गर्न समेत नसक्ने अबस्थामा रहेका नेपालीको उपचारकालागि आर्थिक अभाव भएपछि अर्घाखाँचीको सन्धिखर्क १० धरम्पानी घर भै हाल रोजगारीको सिलसिलामा इजरायलमा रहेका विष्णु भट्टराइको पहलमा संकलित १ लाख ३७ हजार ३ सय रुपैया उहाँका बुबा गोबिन्द भट्टराइले आज हस्तान्तरण गर्नु भएको हो ।

पेटमा पानी जम्मा भएको र उपचारका लागि २५ देखि ३० लाख खर्च हुने विरामी नेपालीले बताएका छन् । इजरायलमा रहेका विष्णु भट्टराईले अर्घाखाँचीका विभिन्न दिर्घ रोगी तथा घाइते अपांगहरुलाई आर्थिक सहयोग गर्दै आउनु भएको छ ।

यस्तै रामलिला सामाजिक विकास केन्द्र अर्घाखाँचीले १३ हजार रुपैया आर्थिक सहयोग हस्तान्तरण गरेको छ । नेपाली कांग्रेसका नगर सभापति तथा समाजसेवी ब्यक्तित्व बाबुराम भुसाल र सस्थाका सचिव नारायण खत्रीले १३ हजार रुपैया विरामी श्यामबहादुर नेपालीलाई हस्तान्तरण गर्नु भएको हो ।

कार्यक्रममा नेपाली कांग्रेसका नगर सभापति बाबुराम भुसाल, समाजसेवी ब्यक्तित्व गोविन्द भट्टराई, नेपाल पत्रकार महासंघका प्रदेश सदस्य प्रेमनारायण आचार्य, समाजसेवी तथा स्थानीय नारायण खत्री, सोनु जिसि लगायतको उपस्थिति रहेको थियो ।

इजरायलमा विष्णु भट्टराइको पहलमा संकलित रकम यस प्रकार रहेको छ।

१- लक्ष्मिधर गौतम – १०० सेकल

२- मधु जि.सि. – रु १० हजार नेपाली

३- नाम नखुलाउनु हुने – ५० सेकल

४- रुपेश बिष्ट – १०० सेकल

५- तिर्थ गौतम – ५० सेकल

६- अजनवि लिम्बू – १०१ सेकल

७- इन्द्र भण्डारी – १०० सेकल

८- संझना पन्त – ५१ सेकल

९- बिमला पन्त – ५१ सेकल

१०- दिपिका भुसाल – ५१ सेकल

११- राम कँडेल – १५१ सेकल