शिवराज बेल्वासे
अड्गुरी, अर्घाखाँची । अर्घाखाँची जिल्लाको पाणिनी गाँउपालिका वार्ड नं ७ अड्गुरीको चिवेकमा रहेको पाणिनी बहुप्राबिधिक शिक्षालयमा नेकपा (एमाले) निकट अनेरास्ववियुको संगठन विस्तार तथा सदस्यता वितरण अभियान अन्तरगत कार्यक्रम सम्पन्न भएको छ ।
पाणिनी गाँउपालिका वार्ड नं ७ चिवेकमा रहेको पाणिनी बहुप्राबिधिक शिक्षालयमा आज बिहिवार अनेरास्ववियुको संगठन विस्तार तथा सदस्यता वितरण अभियान अन्तरगतको कार्यक्रमसम्पन्न भएको हो । भेलाले गोविन्द बोहराको अध्यक्षतामा ७५ सदस्यीय क्यामपस कमिटी गठन गरेको छ ।
अनेरास्ववियु केन्द्रिय सद्स्य तथा पाणिनि गाउपालीका इन्चार्ज राजेश घिमिरेको प्रमुख अतिथी रहेको कार्यक्रमबाट निर्वाचित अन्य पदाधिकारिहरुमा बरिष्ठ उपाध्यक्ष अनुराधा हौजारी,उपाध्यक्षमा पुजा घिमिरे र निशा टण्डन रहेका छन् । यस्तै सचिवमा विनोद पौडेल , सह सचिवमा सुजाता परियार , स्मृती अधिकारी र विपिन थापा तथा कोषाध्यक्ष कमल तिमिल्सिना र सह कोषध्यक्ष सन्तोष सुवेधि लगायत रहेका छन् ।
कार्यक्रमको सहजिकरण ने.क.पा. एमाले पाणिनि गाँउपालिका कमिटि सदस्य तथा राष्ट्रिय युवा सँघ नेपाल पाणिनि गाँउपालिका सह संयोजक राजेन्द्र पौडेल तथा ने.क.पा. एमाले पाणिनि गाँउपालिका कमिटि सदस्य नारायण प्रसाद पाण्डेले गर्नुभएको थियो । कार्यक्रममा अनेरास्ववियु पाणिनी गाँउपालिका कमिटि सदस्य अशोक घिमिरेको पनि उपस्थिति रहेको थियो ।
पौष ८ गते, २०७८ मा प्रकाशित
