अशोक खनाल
सन्धिखर्क, अर्घाखाँची (अर्घाखाँचीडट्कम) । जिल्ला समन्वय समिति रामेछापको टोली अवलोकन भ्रमणको लागि अर्घाखाँची आएको छ ।
उक्त भ्रमण टोलीलाई जिल्ला समन्वय समिति अर्घाखाँचीका प्रमुख पिताम्बर शर्मा भुसाल, उपप्रमुख ऋषि बहादुर पुलामी, प्रमुख जिल्ला अधिकारी हरि प्रसाद घिमिरे निमित्त समन्वय अधिकारी बिनोद कुवरले जिल्ला समन्वयको कार्यकक्षमा स्वागत गर्नु भएको छ ।
उक्त भ्रमण टोलिमा जिल्ला समन्वय समिति रामेछापका प्रमुख प्रेम बहादुर खड्का , उपप्रमुख दिपा पाख्रीन जिल्ला समन्वय अधिकारी झनक कुमार खत्री लगायत जिल्ला समन्वय समितिको टोली तथा कर्मचारीहरुको उपस्थित रहेको थियो ।
जिल्ला समन्वय समिति अर्घाखाँचीका प्रमुख शर्माको कार्यकक्षमा भएको छलफलमा दुबै जिल्लाको बिकास निर्माण लगायतका गतिविधिको बारेमा दुबै जिल्लाका प्रमुखहरुले जानकारी आदानप्रदान गर्नु भएको थियो । भ्रमण टोली जिल्लाको विभिन्न धार्मिक तथा पर्यटकीय क्षेत्रको अबलोकन गर्ने कार्यक्रम रहेको छ।
पौष १२ गते, २०७८ मा प्रकाशित
