अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । जिल्लाको सन्धिखर्क नगरपालिका वार्ड नम्बर १ तुम्काेट स्थित बाल आधारभूत विद्यालयका विद्यार्थीलाई नेकपा एमालेका नेता तथा उद्योग वाणिज्य महासंघका पूर्व केन्द्रीय सदस्यसामाजिक राजनीति शैक्षिक ब्यक्ति कृष्णप्रसाद श्रेष्ठ न्यानाे कपडा वितरण गर्नुभएकाे छ ।
बाल आधारभूत विद्यालयमा आयाेजित एक कार्यक्रमका बीच उहाँले ५६ विद्यार्थीलाई सुइटर र टाेपी हस्तान्तरण गर्नुभएकाे हाे ।
कार्यक्रममा नेपाल रेडक्रस साेसाइटीका लुम्बिनी प्रदेश अध्यक्ष शम्भु पाेखरेल, सन्धिखर्क १ का वडा अध्यक्ष युवराज बञ्जाडे, २ का वडा अध्यक्ष माेतिजङ्ग रायमाझी, प्रेस चाैतारीका केन्द्रीय सदस्य अर्जुन भुसाल लगायतकाे आतिथ्यता रहेकाे थियाे । कार्यक्रम विद्यालय व्यवस्थापन समितिका अध्यक्ष विष्णु बस्यालकाे अध्यक्षता, सन्धिखर्क १ का वडा सदस्य तथा स्थानीय लक्ष्मण पराजुलीकाे सञ्चालनमा सम्पन्न भएकाे हाे ।
श्रेष्ठले सन्धिखर्क १ बाट सुरू गरिएकाे सेवाकाे अभियानलाई अावश्यकता अनुसार अन्यत्र पनि लैजाने बताउनुभयाे । उहाँले गरिव, दलित विपन्न परिवारका विद्यार्थीले जाडाे याममा कष्टकर जीवन बिताउन पर्ने हुँदा राहत स्वरूप कपडा वितरण गरिएकाे बताउनुभयाे । विद्यालयका प्रधानाध्यापक विष्णु प्रसाद खनालले समाजसेवी श्रेष्ठले कपडा उपलब्ध गराएर विद्यार्थी तथा अभिभावकलाई हाैसला प्रदान गरेकाे बताउनुभयाे ।
पौष २० गते, २०७८ मा प्रकाशित
