अर्घाखाँचीडट्कम संवाददाता
सिद्धारा, अर्घाखाँची (अर्घाखाँचीडट्कम) । अर्घाखाँची जिल्लाको शितगंगा नगरपालिका वार्ड नम्बर -९ सिद्धाराको सिलिङखोलामा घर र गोठ जलेर करिब ५ लाख ५० हजार रुपैयाँ बराबरको धनमाल नष्ट भएको छ ।
सिद्धाराको सिलिङखोलाका ज्ञान प्रसाद आचार्यको घर र गोठमा मंगलबार बेलुकी आगलागी हुँदा घर र गोठ पूर्णरुपमा जलेर करिब ५ लाख ५० हजार रुपैयाँ बराबरको धनमाल नष्ट भएको हो ।
प्रहरीले अर्घाखाँचीडट्कमलाई दिएको जानकारी अनुसार आगलागी घटनामा शंकास्पद रहेका १ जनालाई अनुसन्धानको लागि प्रहरीले नियन्त्रणमा लिएको छ ।
स्थानीयवासीको सहयोगमा आगलागी नियन्त्रणमा लिनुका साथै यस सम्बन्धमा प्रहरीले थप अनुसन्धान गरिरहेको बताएको छ ।
पौष २८ गते, २०७८ मा प्रकाशित
