अर्घाखाँचीडट्कम संवाददाता
छत्रदेव, अर्घाखाँची (अर्घाखाँचीडट्कम) । अर्घाखाँची जिल्लाको छत्रदेव गाउँपालिकाको जनसंख्या २१ हजार ६ सय ९१ पुगेको छ ।
छत्रदेव गाउँपालिकाको जनसंख्या २१ हजार ६ सय ९ पुगेको हो । जिल्लामा सबैभन्दा कम जनसंख्या रहेको छत्रदेव गाउँपालिकामा पुरुष भन्दा २ हजार ४ सय १९ बढी महिलाको जनसंख्या रहेको छ । जसमा महिलाको जनसंख्या १२,०१५ र पुरुषको जनसंख्या ९,६७६ रहेको छ ।
उता जिल्लाको जनसंख्या १ लाख ७७ हजार २ सय पुगेको छ । २०७८ सालको जनगणनामा जिल्लाको जनसंख्या १ लाख ७७ हजार २ सय पुगेको हो ।
अर्घाखाँचीडट्कमलाई प्राप्त जनगणना विवरण अनुसार जिल्लामा पुरुष भन्दा १५ हजार १ सय ७४ बढी महिलाको जनसंख्या रहेको छ । जसमा जिल्लामा महिलाको जनसंख्या ९६,१८७ र पुरुषको जनसंख्या ८१,०१३ रहेको छ ।
२०६८ सालको जनगणनामा अर्घाखाँचीको जनसंख्या १ लाख ९७ हजार ६ सय ३२ थियो । १० वर्षको तुलनामा जनसंख्या वृद्धिदर -१ दशमलव ०५ प्रतिशतले कमी आएको छ। जस अनुसार अर्घाखाँचीमा २० हजार ४ सय ३२ ले जनसङ्ख्या वृद्धिदरमा कमी आएको छ।
जिल्लाको जनसंख्यामा कमी आउनु जन्मदर र बसाइँसराइका कारण भएको हो ।
साथै जिल्लामा घर संख्या ४५,१९ रहेको छ । र परिवार संख्या ४९०८० रहेको छ । यस्तै सबै ६ पालिकाहरुमा पुरुष भन्दा बढी महिलाको जनसंख्या रहेको छ ।
छत्रदेवको जनसंख्या यस्तो छ:-
छत्रदेव गाउँपालिका
जनसंख्या: २१,६९१
महिला: १२,०१५
पुरुष: ९,६७६
माघ १३ गते, २०७८ मा प्रकाशित
