अर्घाखाँचीडट्कम संवाददाता
खनदह, अर्घाखाँची (अर्घाखाँचीडट्कम) । अर्घाखाँची जिल्लाको मालारानी गाउँपालिकाको जनसंख्या २३ हजार ७ सय ८० पुगेको छ ।
मालारानी गाउँपालिकाको जनसंख्या २३ हजार ७ सय ८० पुगेको हो । मालारानी गाउँपालिकामा पुरुष भन्दा २ हजार २ सय ८६ बढी महिलाको जनसंख्या रहेको छ । जसमा महिलाको जनसंख्या १३,०३३ र पुरुषको जनसंख्या १०,७४७ रहेको छ ।
उता जिल्लाको जनसंख्या १ लाख ७७ हजार २ सय पुगेको छ । २०७८ सालको जनगणनामा जिल्लाको जनसंख्या १ लाख ७७ हजार २ सय पुगेको हो ।
अर्घाखाँचीडट्कमलाई प्राप्त जनगणना विवरण अनुसार जिल्लामा पुरुष भन्दा १५ हजार १ सय ७४ बढी महिलाको जनसंख्या रहेको छ । जसमा जिल्लामा महिलाको जनसंख्या ९६,१८७ र पुरुषको जनसंख्या ८१,०१३ रहेको छ ।
२०६८ सालको जनगणनामा अर्घाखाँचीको जनसंख्या १ लाख ९७ हजार ६ सय ३२ थियो । १० वर्षको तुलनामा जनसंख्या वृद्धिदर -१ दशमलव ०५ प्रतिशतले कमी आएको छ। जस अनुसार अर्घाखाँचीमा २० हजार ४ सय ३२ ले जनसङ्ख्या वृद्धिदरमा कमी आएको छ।
जिल्लाको जनसंख्यामा कमी आउनु जन्मदर र बसाइँसराइका कारण भएको हो ।
साथै जिल्लामा घर संख्या ४५,१९ रहेको छ । र परिवार संख्या ४९०८० रहेको छ । यस्तै सबै ६ पालिकाहरुमा पुरुष भन्दा बढी महिलाको जनसंख्या रहेको छ ।
मालारानी गाउँपालिकाको जनसंख्या यस्तो छ:-
मालारानी गाउँपालिका
जनसंख्या: २३,७८०
महिला: १३,०३३
पुरुष: १०,७४७
माघ १३ गते, २०७८ मा प्रकाशित
