अर्घाखाँचीडट्कम संवाददाता
बुटवल (अर्घाखाँचीडट्कम) । अर्घाखाँची जिल्लाको सन्धिखर्क नगरपालिका वार्ड नम्बर १ का एक युवाको बुटवलमा भएको मोटरसाइकल दुर्घट्नामा परि मृत्यु भएको छ ।
सन्धिखर्कका ३० वर्षीय बाशु आचार्यको बुटवलमा शनिबार राति भएको मोटरसाइकल दुर्घट्नामा परि मृत्यु भएको हो ।
बुटवल उपमहानगरपालिका-२ तिनाउ पुलस्थित सडकमा बा.१९ च ९१५७ नम्बरको स्कारपियो गाडीले लु. २४ प २७५७ नम्बरको मोटरसाइकललाई शनिबार राति ठक्कर दिँदा मोटरसाइकल चालक आचार्यको मृत्यु भएको प्रहरीले बताएको छ ।
दुर्घटनामा गम्भीर घाइते भएका उनको लुम्बिनी प्रादेशिक अस्पताल बुटवलमा उपचारको क्रममा मृत्यु भएको हो । स्कारपियो चालकलाई प्रहरीले नियन्त्रणमा लिएको छ ।
माघ २३ गते, २०७८ मा प्रकाशित
