अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्क नगरपालिका वार्ड नम्बर १ गुण्टेखोलाबाट अवैध लागूऔषध ब्राउन सुगर सहित एक जना युवा पक्राउ गरेको छन् ।
सन्धिखर्कको गुण्टेखोलाबाट एक जना युवालाई ५ सय मिलीग्राम अवैध लागूऔषध ब्राउन सुगर सहित बुधबार बेलुकी प्रहरीले पक्राउ गरेको हो ।
प्रहरीले अर्घाखाँचीडट्कमलाई दिएको जानकारी अनुसार शंकास्पद रुपमा हिँडिरहेका ति युवालाई जिल्ला प्रहरी कार्यालय अर्घाखाँचीबाट खटिएको प्रहरीले जाँच गर्नेक्रममा उक्त लागूऔषध सहित फेला पारी पक्राउ गरेको थियो ।
पक्राउ परेका ति युवा माथि थप अनुसन्धान भईरहेको र मुद्दा चलाऊने तयारी भएको प्रहरीले बताएको छ ।
उता पछिल्लो समय अर्घाखाँचीमा लागुऔषधीको कारोबार भैरहेको र यसले जिल्लामा लागुऔषध कारोबार संजाल बढदै गएको प्रहरीले अनुमान लगाएको छ ।
फाल्गुन ६ गते, २०७८ मा प्रकाशित
