माधव खनाल
ढाकावाङ, अर्घाखाँची ८ फागुन (अर्घाखाँचीडट्कम) । राष्ट्रिय जनमोर्चा भुमिकास्थान नगरपालिका वार्ड १ ढाकावाङको आयोजनामा स्वर्गीय जुध्द बहादुर बैजालिको ११ औं दिनको पुण्य तिथि पारी आज उहाँकै निवास भुमिकास्थान १ को आमडाडामा श्रद्धाञ्जली शभा सम्पन्न गरेको छ ।
राष्ट्रिय जनमोर्चा निकट अखिल नेपाल जनजाती सम्मेलनका केन्द्रिय महासचिव तथा प्युठान जिल्ला मल्लरानी गाउँपालिका अध्यक्ष अम्मरध्वज रानाको प्रमुख आतिथ्यतामा भएको श्रद्धाञ्जली शभामा शोक मन्तव्य राख्दै प्रमुख अतिथि रानाले स्वर्गीय बैजालिको निधनले राष्ट्रिय जनमोर्चा ले एउटा कुसल अभिभावक एवंम जनजाति नेता गुमाएको बताउनुभयो साथै रानाले मानिसको जन्म र मृत्यु प्राकृति नियम जस्तो भए भए पनि स्वर्गीय बैजालिको निधनले आफू र आफ्नो पार्टिलाइ अतुलनीय क्षति पुगेको हुँदा उहाँले देखाएको बाटो र उहाले लिएको नीति स्विकार्दै अगाडि बढेमा मात्रै स्वर्गीय बैजालिले देखेको सपना पूरा हुने र उहाले देखाएको बाटोमा लाग्न आम कार्यकर्ता लाई आग्रह गर्नुभएको थियो ।
श्रद्धाञ्जली शभामा मन्तव्य राख्दै राष्ट्रिय जनमोर्चा अर्घाखाँची जिल्ला सदस्य मेघराज खनालले जुध्द बहादुर बैजालिको निधनले गर्दा राष्ट्रिय जनमोर्चाले ठुलो क्षति ब्योहोर्नु परेको बताउनुभयो ।
यस्तै श्रद्धाञ्जली शभामा राष्ट्रिय जनमोर्चा भुमिकास्थान नगर सदस्य बाबुराम खनाल राष्ट्रिय जनमोर्चा भुमिकास्थान नगर सदस्य तथा वार्ड न २ का वार्ड अध्यक्ष बुद्धि थापा राष्ट्रिय जनमोर्चा भुमिकास्थान नगर सदस्य तथा वार्ड न १ का वार्ड अध्यक्ष भोजराज खनाल लगायतले शोक मन्तव्य राखेका थिए भने कार्यक्रम स्वर्गीय बैजालिका जेष्ठ छोरा हुमानसिंह बैजालिको अध्यक्षता माधव खनालको संचालनमा सम्पन्न भएको थियो ।
स्वर्गीय जुध्द बहादुर बैजालिको गत माघ २७ गते ८४ वर्षको उमेरमा निधन भएको थियो । बैजालिका श्रीमति दुई छोरा दुई बुहारी एक छोरी ज्वाइँ र नातिनातिना हुनुहुन्छ ।
फाल्गुन ८ गते, २०७८ मा प्रकाशित
