अर्घाखाँचीडट्कम संवाददाता
खन, अर्घाखाँची (अर्घाखाँचीडट्कम) । अर्घाखाँची जिल्लाको मालारानी गाउँपालिका गाउँपालिका वार्ड नम्बर ४ खनमा ट्याक्टर दुर्घट्ना हुँदा एक जनाको मृत्यु भएको छ।
खनको नुगाली टोलामा मंगलबार साँझ लु ४ प २७ ९१ नम्बरको ट्याक्टर दुर्घट्ना हुँदा २७ वर्षीय कमल विक(प्रेम)को मृत्यु भएको हो । भने दुई जना घाइते भएका छन् ।
दुर्घट्नामा परेर घाइते भएका उनलाई बुटवल रिफर गरिएको र उपचारकाे क्रममा मृत्यु भएको इलाका प्रहरी कार्यायलय खनले जनाएको छ।
यस्तै ट्याक्टरमा चालक सहित ३ जना सवार रहेकोमा एक जना घाइतेको जिल्ला अस्पतालमा उपचार भइरहेको छ ।
सामान्य घाइते भएका चालक प्रहरी नियन्त्रणमा रहेको जिल्ला प्रहरी कार्यालयका सूचना अधिकारी गणेश खनालले जानकारी दिए । ट्याक्टर सडकबाट तल पल्टिएको छ । साथै दुर्घट्नाको कारण खुल्न सकेको छैन् । घटनाको अनुसन्धान भईरहेको प्रहरीले बताएको छ ।
फाल्गुन १८ गते, २०७८ मा प्रकाशित
