केशव घिमिरे
खाँचीकोट, अर्घाखाँची (अर्घाखाँचीडट्कम) । अर्घाखाँची जिल्लाको सन्धिखर्क नगरपालिका वार्ड नम्बर ७ खाँचीकोटको म्युडाँडामा नेकपा (एमाले) को वार्ड कमिटीको आयोजनामा भेला तथा बृहत् पार्टी प्रवेश कार्यक्रम सम्पन्न भएको छ ।
कार्यक्रममा म्युडाँडा र म्युखोला टोलका ८५ जना नेता-कार्यकर्तालाई पार्टी केन्द्रिय कमिटी सचिव तथा पुर्व उप-प्रधानमन्त्री टोप बहादुर रायमाझीले टिका, खादा र माला लगाएर पार्टी प्रवेश गराउनुभएको थियो भने पार्टी प्रदेश कमिटी सचिवालय सदस्य कमरेड रामजी प्रसाद घिमिरे, जिल्ला कमिटी अध्यक्ष कमरेड पिताम्बर भुसाल, गण्डकी प्रदेश कमिटी सदस्य कमरेड लिला जि. सि. जिला कमिटी सचिव कमरेड तोज बहादुर रायमाझी, उप-सचिव कमरेड शम्भु पोख्रेल, जिल्ला निर्वाचन बिभाग प्रमुख तथा सन्धिखर्क नगर कमिटी अध्यक्ष कमरेड श्रीकृष्ण भुसाल, जिल्ला कमिटी सदस्य कमरेड कृष्ण श्रेष्ठ लगायतले नव प्रवेशिहरुलाई टीका लगाई स्वागत गर्नुभएको थियो ।
कार्यक्रममा जिल्ला कमिटी सल्लाहकार फर्स बहादुर के. सी. , नगर कमिटी सचिवालय सदस्य तथा वडा नम्बर ७ का इन्चार्ज कमरेड लक्ष्मण कँणेल, नगर कमिटी सचिवालय सदस्य तथा वडा नम्बर ६ का इन्चार्ज कमरेड पृतम के. सी. लगायतको उपस्थिती रहेको थियो। कार्यक्रममा केन्द्रिय कमिटी सचिव कमरेड टोप बहादुर रायमाझी, प्रदेश कमिटी सचिवालय सदस्य रामजी प्रसाद घिमिरे र जिल्ला कमिटी अध्यक्ष कमरेड पिताम्बर भुसालले सम्बोधन गर्नुभएको थियो ।
कार्यक्रम पार्टी वडा कमिटी अध्यक्ष कमरेड चुरा बहादुर के. सी. को अध्यक्षता र कमरेड मोहन पुरीको संचालन तथा वडा कमिटी उपचिव कमल के.सी. को स्वागत मन्तब्यमा सम्पन्न भएको थियो ।
फाल्गुन २२ गते, २०७८ मा प्रकाशित
