शोभाखर पन्थी
चुत्रावेसी, अर्घाखाँची / चैत -०८ । नेकपा एमालेका जिल्ला उपाध्यक्ष ईश्वरा पोख्रेलले नेकपा एमालेको अविजित यात्रा कसैले रोकेर नरोकिने बताउनु भएको छ ।
नेकपा एमाले वडा नं.-२ चुत्रावेसी मेनरोड मस्जिद लाईन टोल कमिटीको पहिलो अधिवेशनमा मन्तव्य राख्दै उहाँले नेकपा एमालेमा आएको जनलहरले पार्टीको जित सुनिश्चित बन्दै गैरहेको बताउनुभयो । महिला नेतृ पोख्रेलले सबै वर्ग र क्षेत्रका जनताको मुक्ति केवल नेकपा एमाले बाट मात्रै संभव भएको भन्दै पार्टीको पक्षमा दृढता पुर्वक उभिन स्थानीय बासिन्दालाई अग्रह समेत गर्नुभयो ।
अधिवेशन आयोजक कमिटीका अध्यक्ष मीनादेवी सावितको अध्यक्षता ,महिला नेतृ उमा बन्जाडेको स्वागत मन्तव्य र पी.भुसालको संचालनमा सम्पन्न कार्यक्रममा नेकपा एमाले प्रदेश क्षेत्र नं.२ समन्वय कमिटीका संयोजक रामचन्द्र पोख्रेल ,सन्धिखर्क नगर कमिटीका अध्यक्ष श्रीकृष्ण भुसाल ,जिल्ला कमिटी सदस्य शुष्मा श्रेष्ठ ,जिल्ला सल्लाहकार हरिेदेवी घिमिरे ,नगर कमिटीका सचिवालय सदस्य टोपलाल खनाल ,लेखनाथ भुसाल , नगर कमिटी सदस्य पार्वती भुसाल ,पार्वता श्रेष्ठ ,गोमा श्रेष्ठ ,वडा कमिटीका अध्यक्ष नारायण खड्का लगायतका वक्ताहरूले मन्तव्य राख्नुभएको थियो ।
अधिवेशनले दुर्गा बहादुर खत्रीको अध्यक्षतामा २७ सदस्यीय टोल कमिटी सर्वसम्मत चयन गरेको छ । नवगठित कमिटीको उपाध्यक्षमा गोमा भुसाल ,बिना पन्थी ,सचिव सीमा थापा,उपसचिव मीना वन्जाडे,कृष्ण परियार लगायत रहनुभएको एमाले प्रचार विभाग प्रमुख शोभाकर पन्थीले जानकारी दिनुभयो ।
चैत्र ८ गते, २०७८ मा प्रकाशित
