अनिल नेपाली
सन्धिखर्क, अर्घाखाँची (अर्घाखाँचीडट्कम ) । अर्घाखाँची जिल्लामै पहिलो पटक हुन लागेको प्रथम राष्ट्रिय अर्घाखाँची रोडरेस २०७८ को तयारी अन्तिम चरणमा पुगेको छ ।
स्पोर्टस भ्वाईसको आयोजनामा भोली भुमिकास्थान नगरपालिकाको पोखेडाँडामा हुने कार्यक्रमको तयारी अन्तिम चरणमा पुगेको भ्वाईसका अध्यक्ष पृथ्वी थापाले जानकारी दिए ।
अब दौडन्छ अर्घाखाँची नाराका साथ संचालन हुने कार्यक्रमको तयारीको विषयमा जानकारी दिन सन्धिखर्कमा आयोजित पत्रकार सम्मेलनमा थापाले २३ गते भुमिकास्थान र २५ गते सन्धिखर्कमा कार्यक्रम हुने जानकारी दिए ।कार्यक्रम अन्तरगत भोली १० बजे जनताको वाकाथुन र ११ बजे नगरप्रमुख रेशम थापाले प्रतियोगिताको उद्घाटन गर्ने कार्यक्रममा जानकारी दिईएको छ ।
कार्यक्रममा एथलेटिक्स प्रशिक्षक कान्ति महतोले एथलेटिक्सको अन्तराष्ट्रिय मापदण्ड अनुसार प्रतियोगिता सन्चालन हुने जानकारी दिए ।विभिन्न ईभेन्टमा हुने प्रतियोगितामा प्रथम हुनेहरुले १० हजार, द्वितीय हुनेहरुले ७ हजार र तृतिय हुनेहरुले ५ हजार प्राप्त गर्ने अध्यक्ष थापाले जानकारी दिए।
चैत्र २२ गते, २०७८ मा प्रकाशित
