अर्घाखाँचीडट्कम संवाददाता
सन्धिखर्क, अर्घाखाँची (अर्घाखाँचीडट्कम) । नेकपा एमालेले अर्घाखाँची जिल्लाको केन्द्र सन्धिखर्क नगरपालिकाको नगर प्रमुखको लागि कृष्ण प्रसाद श्रेष्ठलाई चुनावी मैदानमा उतार्ने भएको छ । सन्धिखर्क २ चुत्राबेसी निवासी श्रेष्ठ गत स्थानिय निर्वाचनमा पनि एमालेको तर्फबाट मेयर पदमा भिडेका थिए तर उनी नेपाली काङ्ग्रेसका कमल प्रसाद भुसाल संग पराजित भएका थिए ।
जिलाको केन्द्र सन्धिखर्कको नेतृत्व सम्हाल्न इच्छुक देखिनेहरुको भिडमा नेतृत्वको बाजि कसले मार्छ, भनेर यसै भन्न सकिने अवस्था छैन । जिल्लामा गठबन्धन संयुक्त भएर चुनाब भिड्ने तयारी भए संगै गठबन्धन र एमालेको द्विपक्षीय प्रतिश्पर्धा हुने निश्चित भएको छ ।
यससगै उपमेयरमा मिश्रा आचार्यलाइ सिफारिश गरेको छ ।
आसन्न स्थानिय निर्वाचनको मिति नजिकिदै गर्दा आज मनोनयनको पहिलो दिन एमालेले जिल्लाभरका ६ पालिका प्रमुखको टुङ्गो लगाएको हो ।
बैशाख ११ गते, २०७९ मा प्रकाशित
