टेकराज भुसाल
जेठ १७ अर्घाखाँची। अर्घाखाँची जिल्लाको भूमिकास्थान नगरपालिका वार्ड नम्बर १ र २ ढाकावाङ्गका उत्कृष्ट बिद्यार्थीलाई पुरस्कार तथा सम्मान गरीएको छ ।
स्वर्गीय कुलानन्द बन्जाडे स्मृति प्रतिष्ठानले साेमबार स्वर्गीय बन्जाडेकाे १६ औं स्मृति दिवसको अवसरमा १५ बिद्यालयका ३० जना छात्रछात्रा बिद्यार्थीहरुलाई सम्मान गरेको हो ।
प्रत्येक बर्ष स्वर्गीय बन्जाडेको सम्झनामा बिद्यार्थीहरुलाई प्रोत्साहन स्वरुप गरीने सम्मान कार्यक्रमले बालबालिकालाई हौसला मिल्ने प्रतिष्ठानका अध्यक्ष खड्का बहादुर थापाले जानकारी दिनुभयो।
कार्यक्रमको सन्चालन चन्द्रबहादुर केसीले गर्नुभएको थियो ।
नेपालको बाम-लाेकतान्त्रिक आन्दोलनका कर्मठ याेद्धा तथा शिक्षाप्रेमी, समाजसेवी, विश्व मावि ढाकावाङ्गका तत्कालीन प्र.अ रहेका स्वर्गीय बन्जाडेकाे २०६३ जेठ १६ गते ५८ वर्षको उमेरमा हृदयाघातका कारण निधन भएको थियो।
जेष्ठ १७ गते, २०७९ मा प्रकाशित
