काठमाडौं । देशभर थप १९ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार पछिल्लो २४ घण्टामा देशभरका विभिन्न प्रयोगशालामा ३ हजार ४ सय ५३ जनामा गरिएको परीक्षणमा थप १९ जनामा संक्रमण पुष्टि भएको हो ।
आइतबार १२ जना संक्रमित संक्रमणमुक्त भएका छन् भने देशभर १ सय ६ जना सक्रिय संक्रमित रहेका छन् ।
त्यस्तै, २४ घण्टामा कोरोनाका कारण कसैको पनि मृत्यु नभएको मन्त्रालयले जनाएको छ ।
जेष्ठ २९ गते, २०७९ मा प्रकाशित
