केशबराज ज्ञवाली, अर्घाखाची डट्कम ।
भोलि देखी शुरु हुने नवौं महाअधिवेशनबाट लोकतन्त्रबादि पत्रकारहरूको संगठन नेपाल प्रेस युनियनको नेतृत्व गर्न तम्सिनेहरुमा अर्घाखाँचीमा कार्यरत पत्रकारहरु पनि छन । उनिहरु आफ्नो प्रचारप्रसार र नेतृत्वमा भिड्ने तयारिमा रहेको बताएका छन ।
अर्घाखाँचीमा पत्रकारिता गर्दै आइरहेका प्रेमनारायण आचार्य र घनश्याम पौडेल केन्द्रिय सदस्यमा उम्मेद्बारी दिने घोषणा गरिसकेका छन । उनिहरु सामाजिक संजालमा प्रचारप्रसार तिव्र रुपमा गर्नुका साथै महाधिवेशन प्रतिनिधिहरुलाइ भेटेर लबिङ्ग पनि गरिरहेका छन।
नेपाल प्रेस युनियनको केन्द्रिय महाधिवेशन भोलि र पर्सि अर्थात श्रावण ६ र ७ गते मकवानपुरको हुने महाधिवेशनको लागि देशभर बाट करिव १६०० प्रतिनिधि उपस्थित हुने र कार्यक्रमको तयारि तिव्र रुपमा भैरहेको आयोजकले जनाएको छ ।
श्रमजिवि पत्रकारहरुको हक हितको सुनिस्चितता गर्दै जनताको सुसुचित हुने अधिकारको सम्मान र संरक्षण गर्दै आइरहेको नेपाल प्रेस युनियनले यो अधिवेशनबाट आफ्नो नया नेतृत्व चुन्दै छ ।
श्रावण ५ गते, २०७९ मा प्रकाशित
