श्रावण १९ गते, २०७९ मा प्रकाशित
काठमाडौँ – मन्त्रिपरिषदको बैठक आज बस्ने भएको छ। दिउँसो १ बजे बस्ने बैठकबाट आगामी संघ र प्रदेशको निर्वाचनको मिति तोक्ने तयारी छ।
हिजो सत्ता गठबन्धनका शीर्ष नेताहरुले आगामी ४ मंसिरमा एकै चरणमा निर्वाचन गर्न प्रधानमन्त्री शेरबहादुर देउवालाई सुझाएका छन्। त्यसैअनुसार मिति तोक्ने निर्णय गर्ने देउवाको तयारी छ ।
यसअघि नेकपा माओवादीका अध्यक्ष पुष्पकमल दाहाल प्रचण्डले मिति तोक्न केही दिन पर्खन भनेको बताएका थिए। संवैधानिक व्यवस्थाअनुसार मिति तोक्न ढिलाइ भइसकेको छ।
प्रधानमन्त्री देउवाले निर्वाचन घोषणाबारे प्रमुख प्रतिपक्षी दल एमाले, सभामुख र कानुनविद्लगायत सरोकारवालासँग परामर्श गरिसकेका छन्। सरकारले संसदबाट संक्रमणकालीन न्यायसम्बन्धी विधेयक पास गरेपछि अधिवेशन अन्त्य गर्ने तयारी गरेको छ।
निर्वाचन आयोगले सरकारले ढिलै घोषणा गरे पनि पनि तोकिएकै मितिमै निर्वाचन सम्पन्न गर्ने बताएको छ।
अन्य समाचारहरु
