माधव खनाल ,अर्घाखाँची डटकम ।
राष्ट्रिय जनमोर्चा भुमिकास्थान नगरपालिका वार्ड न १ सदस्य एवंम अखिल नेपाल उधोग ब्यापार संघका सदस्य भुमिकास्थान नगरपालिका वार्ड न १ माझाटाकुरा निवासी तिलकराम खनाललाई मातृशोक परेको छ । खनालकी आमा भक्ती खनालको शनिबार राती २ बजेतिर आफ्नै निवासमा निधन भएको मृतकका छोरा तिलकराम खनालले बताउनुभयो ।
स्वर्गीय खनालको शनिबार बिहान भुमिकास्थान नगरपालिका वार्ड न २ को खाकाबेसीको चिसारा घाटमा राष्ट्रिय जनमोर्चाका जिल्ला सदस्य बाबुराम बन्जाडेले पार्टीको झण्डा ओढाइ अन्तिम श्रद्धाञ्जली अर्पण गर्दै स्वर्गीय भक्ती खनालको निधनले गर्दा राष्ट्रिय जनमोर्चा भुमिकास्थानले एउटा कुसल अभिभावक गुमाएकोमा दुःख प्रकट गर्दै उहाँले पार्टि प्रती देखाएको बाटोलाई अनुसरण गर्दै अगाडि बढेमा उहाले अङ्गालेको नितिले सार्थकता पाउने बताउनु भयो।
अन्त्येष्टि, कार्यक्रममा राष्ट्रिय जनमोर्चा अर्घाखाँची जिल्ला सल्लाहकार खड्क बहादुर थापा ,जिल्ला सदस्य भोजराज खनाल ,अखिल नेपाल शिक्षक संघ भुमिकास्थान नगर सचीव रामप्रसाद खनाल, राष्ट्रिय जनमोर्चा भुमिकास्थान २ का अध्यक्ष बाबुराम खनाल ,भुमिकास्थान १ का उपाध्यक्ष खुविराम खनाल, भुमिकास्थान नगरपालिका वार्ड न २ का वार्ड अध्यक्ष बुद्धिबहादुर थापा ,वार्ड न १ का सदस्य गोपाल नेपाली ,वार्ड न २ का सदस्य दोर्ण बेल्बासे , राष्ट्रिय जनमोर्चा भुमिकास्थान २ का नेता ढुनिराम भुसाल नेपाली ,काङ्ग्रेसका युवराज खनाल लगायत स्थानीयको उपस्थिती रहेको थियो ।
स्वर्गीय खनालका एक छोरा बुहारी र नाति नातिना हुनु हुन्छ ।
भाद्र ११ गते, २०७९ मा प्रकाशित
