डिआरजी सुमन
मैदान, अर्घाखाँची । शनिवार २२ अश्विन २०७९ । पाणिनि गाँउ पालिका ५ मैदान को आलमनगरमा कोजाग्रत पुर्णिमाको अवसरमा भव्य सरायनाचको तयारी भएको छ । दक्षिण अर्घाखाँचीमा ऐतिहासिक रुपमा मनाईदै आएको कोजाग्रत पुर्णिमाको सराय नाच विगतका केही वर्षकोरोनावायरस को कारण सरायनाच वन्द भएको भएता पनि यस वर्ष भव्य रुपमा मनाउने गरी तयारी भएको आयोजकले जनाएको छ ।
पाणिनि गाँउ पालिकाको धार्मिक तथा सांस्कृतिक महत्व को क्षेत्रकों रुपमा परिचित आलम नगर मन्दिरमा यस पटक आन्तरिक तथावाह्य पर्यटनको आकर्षित गर्नेगरी भव्य तयारीमा आयोजक लागेको छ ।
पुर्व सन्ध्यामा शनिवार साँझ पत्रकार डिआरजी सुमन सँग आयोजकको संक्षिप्त क़ुराकानीमा विहान आईतवार ०७ वजेवाट पुजाकार्यक्रम सुरु हुने,दिउसो ३ वजे सराय नाच सुरु हुने गरि तयारी भएको वताईएको छ । यस पटक सराय नाच संचालन उपसमिति,स्वामसेवक उप समिती,सुचना संचार उप समिति,वजार व्यवस्थापन उप समिती लगायतको समेत गठन गरी परिचालन गरिनेभएको छ ।
यस पटक मेलाको लागी स्थानीय कृषिजन्य उत्पादनको विक्रि स्थलको लगतमा १००% छुट गरिएको जनाईंएको छ । दशैको समय भारीवर्षा को कारण अवरुद्ध सड़क अन्तर्गत धातीवांग हुदै नेटाकापोखरा,दुर्गाफाँट पटौटी हुदै आलम नगर सड़क सुचारु आएको वताईएको छ।
आईतवार आलम नगरमा हुने सराय नाचमा प्रहरी चौकी पाली को सुरक्षाकर्मी मार्फ़त सुरक्षा व्यावस्था मिलाईएको छ । यस पटक श्रीकृष्ण मावी र मन्दिर को गेट भित्र कुनैपनि वजार राख्न नपाईने गरी गेट वाहिर व्यावस्था गरिएको छ । – तस्वीर डिआरजी सुमन/मैदान,आलमनगर अर्घाखाँची ।
आश्विन २२ गते, २०७९ मा प्रकाशित
