-नवीन रसाइली ,अर्घाखाँची ।
नेकपा माओवादी केन्द्रका केन्द्रीय सचिव डिलाराम आचार्यले एमाले अध्यक्ष केपी ओलीले संविधान नै मास्न खोजेपछि गठबन्धन गर्नुपरेको बताएका छन् । बुधबार बिहान रिपोर्टस क्लब नेपाल लुम्बिनी प्रदेशको आयोजना सन्धिखर्कमा भएको साक्षात्कर कार्यक्रममा बोल्दै नेता आचार्यले गठबन्धन सत्तामा पुग्न नभएको बताउदै संविधानको रक्षाको निम्ति गर्नुपरेको बताए ।
मध्यरातमा राष्ट्रयपतिकोमा प्रधानमन्त्री पुगेर संसद विघटन गर्ने, संविधान मास्ने काम भएकाले सडकमा आन्दोलन गरेर संविधान जोगाउँन बनेको गठबन्धनले निरन्तरता दिएको बताए ।
यस्तै एमाले केन्द्रीय सदस्य तथा अर्घाखाँची जिल्ला ईन्चार्ज चन्द्रबहादुर खड्का (उज्ज्वल) ले एमालेले अर्घाखाँचीमा अत्याधिक बहुमतले विजयी हासिल गर्ने दाबी गरे । समृद्ध अर्घाखाँची बनाउन एमालेले जित्न आवश्यक रहेको बताए ।
काग्रेस नेता रेउति प्रसाद भुसालले देशभरमा गठबन्धनले दुईतिहाईले जित हासिल गर्ने बताए । अर्घाखाँचीमा प्रतिनिधी सभा सदस्यमा पुष्पा भुसाल, प्रदेश सभा (क) मा सागर केसी, प्रदेश सभा (ख) मा कमल भुसालको जित सुनिश्चित रहेको बताए ।
नेकपा (एकीकृत समाजवादी) का स्थायी कमिटी सदस्य आलोक रायमाझीले नेकपा एमाले पार्टी नभई केपी ओलीको कल्ब रहेको बताए । उनलेे एमालेमा खुट्टा नढोेगेका कारणले भिम रावल र घनश्याम भुसालले टिकट नपाएको बताए ।
कार्यक्रम रिपोर्टस कल्व नेपाल लुम्बिनी प्रदेश अध्यक्ष राम कुमार क्षेत्रीको अध्यक्षता र सन्तोष केसीको संचालनमा सम्पन्न भएको थियो ।
तस्बिर :
कार्तिक ३० गते, २०७९ मा प्रकाशित
