पौष १ गते, २०७९ मा प्रकाशित
-केशवराज ज्ञवाली , अर्घाखाची डट्कम ।
पत्रकारहरुको साझा संस्था नेपाल पत्रकार महासंघ अर्घाखाँची शाखाको पन्ध्रौं साधारण सभा सन्धिखर्कमा सम्पन्न भएको छ ।
डिभिजन बन कार्यालय अर्घाखाँचीको सभा हलमा सम्पन्न साधारण सभाको उद्घाटन सत्रमा शुभकामना मन्तब्य दिनेहरुले
अर्घाखाँचीको पत्रकारिता क्षेत्र विभिन्न समस्या र कठिनाइका बाबजुत पनि पत्रकारहरु आफ्नो कर्मबाट बिचलित नभएको भन्दै आगामी दिनमा पनि अर्घाखाँचीका पत्रकारहरुले जनताका आम र मुख्य सवालहरुलाइ मुखरित गर्न सफल हुने शुभकामना दिए ।
उद्घाटन कार्यक्रमका प्रमुख अथिती नेपाल पत्रकार महासंघका केन्द्रिय सदस्य भवानी प्रसाद पान्डेले अर्घाखाँचीको पत्रकारिता क्षेत्रमा थप सृजनशिलता र निश्पक्षताको आभास मिल्दै जाओस भन्ने शुभकामना दिदै पत्रकारिता क्षेत्रमा आएका समस्या समाधानमा आफुहरुले विशेष रुपमा केन्द्र सम्म्म आवाज पुर्याउने आश्वासन दिए ।
प्रमुख अथिती पान्डे द्वारा ब्यानर बाचन गरेर उद्घाटन गरिएको साधारण सभामा जिल्लामा सकृय राजनितिक दलका प्रमुख तथा प्रतिनिधि , प्रमुख जिल्ला अधिकारि , सुरक्षा निकायका प्रमुखहरु ,
जिलाका ६ वटै पालिकाका प्रमुख तथा जनप्रतिनिधिहरु , जिल्ला स्थित सरकारी कार्यालयका प्रमुखहरु ,उधोग बाणिज्य संघ , चेम्बर अफ कमर्श लगायत संघ संस्थाका प्रमुख , जिल्लामा सक्रिय महासंघको सदस्यता नलिएका ,सबैजसो संचारकर्मी , लगायतको उपस्थिति रहेको थियो ।
तस्विर -दिपेन्द्र पौडेल ।
अन्य समाचारहरु
