पौष ३० गते, २०७९ मा प्रकाशित
– टेकराज भुसाल , अर्घाखाची डट्कम ।
भूमिकास्थान, अर्घाखाँची । प्रगति कृषक सहकारी संस्था लिमिटेड भूमिकास्थान न.पा-१ र २ ढाकावाङ्गको १४ औं वार्षिक साधारणसभा तथा अधिवेशन सम्पन्न भएको छ।
शनिवार ढाकावाङ्गकाे पिपलनेटा बजारमा सम्पन्न साधारणसभा तथा अधिवेशनकाे भूमिकास्थान न.पा-२ का वडाध्यक्ष बुद्धिबहादुर थापाले उद्घाटन गर्दै नेपाल सरकारले अघि सारेको तीन खम्बे अर्थनीति अन्तर्गत सहकारी आर्थिक विकासको मुख्य मेरुदण्ड रहेको धारणा राख्दै अध्यक्ष थापाले आगामी दिनमा भूमिकास्थान नगरपालिकाले यस क्षेत्रको विकासमा विशेष ध्यान दिने बताए।
त्यस्तै भूमिकास्थान न.पा-१ का वडा सदस्य मेघराज खनाल, २ का वडा सदस्य नारायणप्रसाद खनाल, जनकल्याण बचत तथा ऋण सहकारी संस्थाका अध्यक्ष खड्का बहादुर थापास र संस्थाका अध्यक्ष भुवानन्द भुसालले बाेल्दै सहकारीहरुले उत्पादन मुलक क्षेत्रमा लगानी गरी मुलुकलाई आत्मनिर्भर तर्फ लैजानुपर्ने बताएका थिए।
कार्यक्रममा भूमिकास्थान न.पा-१ का वडा सदस्य गाेपाल नेपाली, ढाकावाङ्ग हाट बजार व्यवस्थापन समितिका प्रतिनिधि जानका भुसाल, भगवती कृषि सहकारी संस्थाका काेषाध्यक्ष कमला खनाल र टेकराज भुसालको आतिथ्यता रहेको थियो।
साधारणसभा तथा अधिवेशनले भुवानन्द भुसाल अध्यक्ष रहेको ७ सदस्यीय संचालन समिति निर्वाचित गरेको छ।
जसको उपाध्यक्षमा खुविराम खनाल, सचिवमा खिम बहादुर राउत, सहसचिव आरता वेल्वासे,काेषाध्यक्षमा माया खनाल र सदस्यहरुमा सावित्रा खनाल र पवित्रा वेल्वासे तथा सल्लाहकार र विभिन्न उपसमिति समेत निर्वाचित गरेको छ। कार्यक्रम संस्थाका अध्यक्ष भुवानन्द भुसालको अध्यक्षता, सचिव खिम बहादुर राउतकाे संचालन र उपाध्यक्ष खुविराम खनालको स्वागत मन्त्वयमा सम्पन्न भएको कार्यक्रममा उपस्थित अतिथि तथा सेयर सदस्यलाई मायाको चिनाे स्वरुप बीउपल वितरण गरिएको थियो।
५८ जना महिला, ४४जना पुरुष र ७ वटा संस्थागत गरि जम्मा १०९ सदस्यीय सेयर सदस्य रहेको संस्थाको कुल पुजी ४० लाख ३४ हजार ६ सय ८१ रहेको सहकारीले आफ्नो मातहतमा रहेर प्रगतिशील वाेयर बृडर हर्ट संचालन गर्दै आइरहेको समेत अध्यक्ष भुवानन्द भुसालले जानकारी दिए।
तस्बिर – टेकराज भुसाल
अन्य समाचारहरु
