माघ ११ गते, २०७९ मा प्रकाशित
-कुमार श्रेष्ठ
नेपालगञ्ज – नेपालगञ्जका उद्योगी व्यवसायीले बिहीबार आधा दिन व्यापार व्यवसाय बन्द गरेर शोक सभा गर्ने भएका छन्।
आत्महत्या गरेका व्यवसायी प्रेमप्रसाद आचार्यले उठान गरेका व्यवसायिक मुद्दामा समर्थन जनाउदै र सरकार र बैंकको नीतिका कारण व्यवसायीले आत्महत्या गर्नुपर्ने अवस्था सिर्जना भएको विरोधमा नेपालगञ्ज उद्योग बाणिज्य संघको आव्हानमा दिउँसो एक बजेसम्म उद्योग व्यवसाय बन्द गर्ने र एक बजे धम्बोझीचोकमा शोक सभा गर्ने संघका अध्यक्ष अब्दुल वाहिद मन्सुरीले जानकारी दिए।
आत्महत्या गर्नु पूर्व आचार्यले उठान गरेको आर्थिक क्षेत्रका अव्यावहारिक नीतिको पीडा हरेक उद्योग व्यवसायीले भोगिरहेको बताउँदै अध्यक्ष मन्सुरीले निजी क्षेत्रलाई प्रताडित बनाउने नीति सुधार गर्न सरकार आग्रह गरे। नेपालगञ्जका व्यवसायीले सरकार र राष्ट्र बैंकको पछिल्लो नीतिप्रति निरन्दर आन्दोलन गर्दै आइरहेको छ।
अन्य समाचारहरु
