दलहरुको मोर्चाबन्दीले हामीलाई असर गर्दैन– रवि लामिछाने

पार्टी स्थापना भएको एक वर्ष पुगेको अवसरमा नयाँ केन्द्रीय कार्यालय घण्टीघरमा आयोजित पत्रकार सम्मेलनमा उहाँले मोर्चालाई तोडेर उपनिर्वाचनमा नयाँ रेकर्ड नै राखेको बताउनुभयो ।

मोर्चालाई तोडेर उपनिर्वाचनमा नयाँ रेकर्ड राखेकाले दलहरुको मोर्चाबन्दीले पार्टीलाई कुनै असर नपर्ने उहाँको टिप्पणी थियो ।

उहाँले भनाइ जस्ताको तस्तै :

चुनावमा चाहिँ राजनीतिक दलहरुले गठबन्धन गरेको होइनन् र ? डा स्वर्णिम वाग्लेको निर्वाचन क्षेत्रको कुरा गरिहेर्नुहोला तपाईं। हाम्रो लागि त्यो नयाँ होइन दलहरुको लागि चाहिँ घोषित अघोषित नयाँ होला।

मोर्चालाई तोडेर उपनिर्वाचनमा नयाँ रेकर्ड नै राखेका हौं। त्यसैले उहाँहरुको कदममा मैले कुनै प्रतिक्रिया दिनु हुँदैन। अरु राजनीतिक दलको कदम हो त्यो। हामीले नदेखेको दल हुनुहुन्न। हामीले देखेकै दल हुनुहुन्छ। उहाँहरुले मोर्चा गर्नुभएको छ। हामीले मोर्चा नै गर्ने भए जनताको मुद्दामा मोर्चाबन्दी गरौं न भनेका थियौं। संसदमा पनि भनेका थियौं।