प्रधानमन्त्री प्रचण्डको अभिब्यक्ती बिरुद्द अखिल नेपाल युवक संघ अर्घाखाँचीले सिठी फुकेर बिरोध गर्‍यो (तस्बिर सहित)

–गोपाल भट्टराई ,अर्घाखाँची डटकम

प्रधानमन्त्री प्रचण्डको पछिल्लो अभिव्यक्ति,संघियताको खारेजी,भ्रष्टाचार,सामाजिक हिंसाका विरुद्ध राष्ट्रिय जनमोर्चा निकटका युवाहरुले सन्धिखर्कबाट सिठी फुकेर बिरोध गरेका छन् । अखिल नेपाल युवक संघ अर्घाखाँचीको आयोजनामा सन्धिखर्कमा सिठी जुलुस निकालेर सरकारका गलत कदमको बिरोध गरिएको हो । सन्धिखर्क मसालबजारबाट सुरु भएको सिठी जुलुस चुत्राबेसी,हललाइन,सन्धिखर्कका विभिन्न चोक परिक्रमा गर्दै शान्ती बगैंचामा पुगेर कोणसभामा परिणत भएको थियो ।

कोणसभालाई राष्ट्रिय जनमोर्चाका जिल्ला अध्यक्ष थम्मन के.सी., नेकपा मसालका जिल्ला प्रवक्ता पशुपति ढकाल र युवक संघका केन्द्रिय सचीव ठाकुर पन्थीले सम्बोधन गर्नु भएको थियो । बहालवाला प्रधानमन्त्री पुष्पकमल दाहालको अभिव्यक्तिले नेपालमा सरकार कसले बनाउँछ, भन्ने कुरा स्पष्ट पारेको उहाँहरुको भनाई छ । प्रचण्डले, आफूलाई प्रधानमन्त्री बनाउन सरदार प्रितम सिंह धेरै चोटी दिल्ली गएको कुरा सार्वजनिक गरे सँगै नेपालमा हुने सरकार गठन र विघटनमा भारतले खेल्ने भूमिका प्रष्ट पारेको उहाँहरुको जिकिर छ । व्यवस्था परिवर्तन भएपनि अवस्था नफेरिदा देश र जनताको हितमा काम हुन नसकेको उहाँहरुको आरोप छ ।

सरकारले उठाएका भ्रष्ट्राचारका फाइल गायब नगर्न सुझाव दिनु भएका नेताहकरुले दशमा टाँट पल्टिएको अर्थतन्त्रलाई लयमा ल्याउन संघियता खारेजीको विकल्प नभएको बताउनुभएको छ । अखिल नेपाल युवक संघका जिल्ला सचीव रेसम वि.क., सचीव पुरन नेपाली र अखिल छैठौंका जिल्ला अध्यक्ष जीवन नेपालीले सहजीकरण गर्नुभएको कोणसभामा राष्ट्रिय जनमोर्चाका नेता शेर बहादुर वि.सी.,राष्ट्रिय जनमोर्चाका जिल्ला उपाध्यक्ष गोपाल पौडेल, सचीव बाबुराम पन्थी,कर्मचारीका प्रतिनिधि भुपाल पुन लगायतको उपस्थिति रहेको थियो ।