श्रावण ९ गते, २०८० मा प्रकाशित
काठमाडौं । निर्वाचन आयोगले निर्वाचन खर्चको विवरण नबुझाउने उम्मेदवारहरुलाई जरीवाना गर्ने निर्णय गरेको छ ।
गत वर्ष मंसिरमा सम्पन्न भएको प्रतिनिधि र प्रदेश सभामा उम्मेदवार बनेकाहरुलाई खर्च बिकरण नबुझाएको भन्दै आयोगले जरीवान गर्ने निर्णय गरेको आयोगले जनाएको छ । आयोगले तोकिएको समयभित्र निर्वाचन खर्चको विवरण सार्वजनिक नगर्ने प्रतिनिधि सभातर्फका १ हजार ३७ जना र प्रदेश सभातर्फका १ हजार ३९८ गरी कूल २ हजार ४३५ जना उम्मेदवारहरु रहेका छन् ।
आयोगले उनीहरुलाई जनही १५ हजार रुपैयाँका दरले जरिवाना गर्ने निर्णय गरेको हो । गगन थापा, शेरधन राई, राजन भट्टराई,सोविता गौतम, गिरिराजमणि पोखरेल, महेन्द्रराय यादव, विजय गच्छदार लगायतका उम्मेदवारहरूलाई खर्च विवरण नबुझाएकोमा आयोगले जरिवाना तोकेको छ । जरीवाना गरिएका सबैलाई ७ दिनभित्र खर्च बुझाउन पनि आयोगले निर्देशन दिएको छ ।
अन्य समाचारहरु
