श्रावण २८ गते, २०८० मा प्रकाशित
काठमाडौं । प्रधानमन्त्री पुष्पकमल दाहालले आइतबार मन्त्रीमण्डल पुनर्गठन गर्ने संभावना रहेको छ ।
सीके राउत नेतृत्वको जनमत पार्टीलाई सरकारमा सहभागी गराउन प्रधानमन्त्री दाहालले मन्त्रीमण्डल पुनर्गठन गर्न लाग्नु भएको हो ।
माओवादी पार्टीकै भागबाट मन्त्री दिने गरी जनमत पार्टीलाई सरकारमा सामेल गर्न लागिएको बुझिएको छ । जनमत पार्टीले मन्त्री बनाउन अनिता देवी साहको नाम प्रधानमन्त्री दाहाललाई दिईसकेको छ । प्रधानमन्त्री दाहालले पर्यटनमन्त्री सुदन किराती र संघीय मामिला तथा सामान्य प्रशासनमन्त्री अमनलाल मोदीलाई भने विदा गर्नुहुने बुझिएको छ ।
दुई जनालाई विदा गरेर जनमत पार्टीलाई एउटा मन्त्रालय दिने र एउटामा माओवादीबाटै नयाँ मन्त्री बनाउने तयारी भएको बालुवाटार स्रोतले जनाएको छ ।
केही मन्त्रीहरुको मन्त्रालय समेत हेरफेर हुनसक्ने बुझिएको छ ।
अन्य समाचारहरु
