भाद्र ७ गते, २०८० मा प्रकाशित
काठमाडौं । काठमाडौंको कीर्तिपुरमा चितुवाले आक्रमण गर्दा एक जना घाइते भएका छन् ।
कीर्तिपुरको थापागाउँस्थित एउटा कुखुरा फार्ममा कुरुवा बसेका व्यक्तिलाई बुधबार राती चितुवाले आक्रमण गरेको हो । अवस्था सामान्य रहेका उनलाई उपचारका लागि अस्पताल भर्ना गरिएको प्रहरीले जनाएको छ ।
आक्रमण गर्ने चितुवा भने कुखुराको खोरभित्र थुनिएको छ । वन कार्यालयको टोली चितुवाको उद्धार गर्न गईरहेको पनि प्रहरीले बताएको छ ।
कुखुराको खोरभित्र सुतिरहेका कुरुवालाई चितुवाले आक्रमण गरेपछि उनले पनि चितुवालाई हिर्काउँदा चितुवा पनि घाइते भएको थानकोट प्रहरी कार्यालयले जनाएको छ ।
अन्य समाचारहरु
